Cofnodion - Y Pwyllgor Busnes

Lleoliad:

Video conference via Zoom

Dyddiad: Dydd Mawrth, 12 Rhagfyr 2023

Amser: 09.01 - 09.21

Preifat

------

Yn bresennol

Categori	Enwau
Aelodau’r Pwyllgor:	Elin Jones AS, Llywydd (Cadeirydd) Lesley Griffiths AS Heledd Fychan AS Russell George AS
Staff y Pwyllgor:	Lisa Griffiths (Clerc) Yan Thomas (Dirprwy Glerc)
Eraill yn bresennol	Jane Dodds AS David Rees AS, Y Dirprwy Lywydd Manon Antoniazzi, Prif Weithredwr a Chlerc y Senedd Siwan Davies, Cyfarwyddwr Busnes y Senedd Bethan Davies, Pennaeth Gwasanaeth y Siambr a Phwyllgorau Julian Luke, Pennaeth Pwyllgorau Polisi a Deddfwriaeth Llinos Madeley, Gweithdrefnau a Sgiliau Seneddol Helen Carey, Llywodraeth Cymru

<AI1>

1 Cyflwyniad, ymddiheuriadau a dirprwyon

Croesawodd y Llywydd yr Aelodau i’r cyfarfod. Cafwyd ymddiheuriadau gan Darren Millar. Roedd Russell George yn bresennol yn ei le.

</AI1>

<AI2>

2 Cofnodion y Cyfarfod Blaenorol

Cytunwyd ar gofnodion y cyfarfod blaenorol i’w cyhoeddi.

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Rhoddodd y Trefnydd wybod i’r Rheolwyr Busnes am y newidiadau a ganlyn:

• Datganiad gan y Gweinidog Iechyd a Gwasanaethau Cymdeithasol: Trefniadau Uwchgyfeirio ac Ymyrryd ar gyfer Gwasanaethau Mamolaeth a Newydd-anedig ym Mwrdd Iechyd Prifysgol Bae Abertawe (30 munud)
• Datganiad gan y Gweinidog Iechyd a Gwasanaethau Cymdeithasol: Diweddariad ar 'Mwy na geiriau 2022-27' (30 munud) Tynnwyd yn ôl
• Datganiad gan Weinidog y Gymraeg ac Addysg: Diweddariad ar sefydlu'r Comisiwn Addysg Drydyddol ac Ymchwil a chyhoeddi datganiad blaenoriaethau Gweinidogion Cymru - (30 munud) Tynnwyd yn ôl
• Rheoliadau Iechyd Planhigion etc. (Ffioedd Amrywiol) (Diwygio) (Cymru) 2023 (15 10 munud)

· Caiff y Cyfnod Pleidleisio ei gynnal fel yr eitem olaf o fusnes.

· Nid yw'r Cyfarfod Llawn yn debygol o fynd y tu hwnt i 5.25pm.

Dydd Mercher

Cytunodd y Pwyllgor Busnes i gyflwyno cynnig bod y Senedd yn ethol Samuel Kurtz yn aelod o'r Pwyllgor Deddfwriaeth, Cyfiawnder a'r Cyfansoddiad yn lle James Evans. Tynnodd y Llywydd sylw at hyn a’r newidiadau a ganlyn i gyfarfod dydd Mercher: 

· Cwestiynau i Gomisiwn y Senedd (30 15 munud)

· Cynnig i ethol Aelod i bwyllgor (5 munud)

• Caiff y Cyfnod Pleidleisio ei gynnal cyn y Ddadl Fer
• Nid yw'r Cyfarfod Llawn yn debygol o fynd y tu hwnt i 6.25pm.

</AI4>

<AI5>

3.2 Busnes y Llywodraeth ar gyfer y tair wythnos nesaf

Rhoddodd y Trefnydd wybod i’r Rheolwyr Busnes nad oes unrhyw newidiadau i amserlen Busnes y Llywodraeth ar gyfer y tair wythnos nesaf.

</AI5>

<AI6>

3.3 Amserlen y Senedd ar gyfer y tair wythnos nesaf

Cytunwyd ar yr ychwanegiadau a ganlyn i amserlen Busnes y Senedd ar gyfer y tair wythnos nesaf:

Dydd Mercher 24 Ionawr 2024 -

• Dadl Aelodau o dan Reol Sefydlog 11.21(iv) (60 munud)
• Dadl ar adroddiad y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol: Yr heriau sy’n wynebu gweithlu’r diwydiant creadigol yng Nghymru (60 munud)
• Amser a neilltuwyd i’r Ceidwadwyr Cymreig (60 munud)
• Dadl Fer: Altaf Hussain (Gorllewin De Cymru) (30 munud)

</AI6>

<AI7>

4 Deddfwriaeth

</AI7>

<AI8>

4.1 Diweddariad ar gyfer Femoranda Cydsyniad Deddfwriaethol

Cytunodd y Pwyllgor Busnes ar y canlynol:

• cyfeirio'r Memorandwm Cydsyniad Deddfwriaethol ar y Bil Masnach (Cytundeb Cynhwysfawr a Blaengar ar gyfer Partneriaeth Traws-Môr Tawel) at Bwyllgor yr Economi, Masnach a Materion Gwledig a'r Pwyllgor Deddfwriaeth, Cyfiawnder a'r Cyfansoddiad, i graffu arno, gyda dyddiad cau i gyflwyno adroddiad ar 15 Mawrth 2024;
• cyfeirio'r Memorandwm Cydsyniad Deddfwriaethol Atodol (Memorandwm Rhif 3) ar y Bil Diogelu Data a Gwybodaeth Ddigidol at y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol a’r Pwyllgor Deddfwriaeth, Cyfiawnder a’r Cyfansoddiad i graffu arno, gyda dyddiad cau ar gyfer cyflwyno adroddiad ar 2 Chwefror 2024.

</AI8>

<AI9>

5 Gwaith Gweithdrefnol

</AI9>

<AI10>

5.1 Adolygiad Cyfyngedig o Reol Sefydlog 26C - Deddfau Cydgrynhoi'r Senedd

Trafododd y Pwyllgor Busnes bapur yn ymwneud ag adolygiad cyfyngedig o Reol Sefydlog 26C (Deddfau Cydgrynhoi'r Senedd), yn dilyn gohebiaeth a ddaeth i law gan y Pwyllgor Deddfwriaeth, Cyfiawnder a'r Cyfansoddiad ar 3 Hydref a gododd rai materion yn deillio o'i ystyriaeth o Fil yr Amgylchedd Hanesyddol (Cymru). Nododd y Pwyllgor fod ei Raglen Waith Weithdrefnol yn cynnwys adolygiad llawn o Reol Sefydlog 26C sydd wedi’i drefnu ar ôl i'r Bil Cydgrynhoi nesaf gael ei ystyried gan y Senedd.

Cytunodd y Pwyllgor Busnes ar y canlynol:

• cynnig bod y Senedd yn diwygio'r Rheolau Sefydlog i egluro pryd y caiff Ystyriaeth Fanwl y Pwyllgor ei chwblhau ac ystyried adroddiad drafft ar y newidiadau arfaethedig yn y flwyddyn newydd;
• ysgrifennu at y Pwyllgor Deddfwriaeth, Cyfiawnder a'r Cyfansoddiad i egluro, o ystyried natur gyfyngedig yr adolygiad hwn, ei fod yn bwriadu ystyried y materion canlynol fel rhan o'r adolygiad llawn o Reol Sefydlog 26C:

- manteision ac anfanteision diwygio'r Rheolau Sefydlog sy'n amlinellu sut mae Bil Cydgrynhoi yn mynd rhagddo o Ystyriaeth Fanwl y Pwyllgor i Ystyriaeth Fanwl y Senedd / Cyfnod Terfynol ; ac

- ymestyn yr amser rhwng adroddiad y pwyllgor cyfrifol ac Ystyriaeth Fanwl y Senedd yn gallu dechrau/bod ystyried cynnig Cyfnod Terfynol yn bosibl, er mwyn caniatau rhagor o amser i'r Aelodau ystyried adroddiad ac argymhelliad y pwyllgor cyfrifol a gweithredu arnynt.

Nododd y Pwyllgor Busnes, pe pai sefyllfa’n codi yn y cyfamser lle nad yw pwyllgor yn gallu dod i gytundeb ar ganlyniad ei Ystyriaeth Fanwl y Pwyllgor, a bod pleidlais gyfartal yn digwydd, bydd cadeirydd y pwyllgor cyfrifol yn cael cyngor gweithdrefnol gan y clerc yn unol â'r cynseiliau a'r egwyddorion sylfaenol a gymhwysir o ran defnyddio pleidlais fwrw.

</AI10>

<AI11>

6 Unrhyw Fusnes Arall

Gwrandawiadau Ymchwiliad Covid y DU

Rhoddodd y Trefnydd wybod i Reolwyr Busnes y gallai gwrandawiadau Ymchwiliad Covid y DU yng Nghymru, a gynhelir rhwng 27 Chwefror a 14 Mawrth 2024, effeithio ar amserlenni rhai Gweinidogion yn ystod tymor y gwanwyn.

</AI11>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>